Maelesyo ma Kĩlungu kya 4
Kĩlungu kĩĩ kĩneeneete Yosevu, Yovu, Mose, na Aisilaeli. Andũ asu mathĩniwʼe mũno nĩ Ndevili ĩndĩ moomĩĩsya. Amwe moo nĩmeekiwe maũndũ matekwosana na ũsili wa katĩ, angĩ moovwa yela, angĩ matwʼĩkĩthwʼa ngombo, na angĩ mooawa. Ĩndĩ Yeova nĩwamasũvĩie kwa nzĩa syĩ kĩvathũkanyʼo. Ethĩwa wĩ mũsyai, tetheesya mwana waku aelewe ũndũ athũkũmi ma Yeova makwatiwe nĩ mathĩna ĩndĩ maendeea kwĩthĩwa na mũĩkĩĩo.
Yeova atũmĩie ala Mothĩnyʼo Ĩkũmi nĩ kana onanyʼe kana we e ũtonyi mwingĩ kwĩ ngai syonthe sya Amisili. Kindĩlĩĩla ũndũ Yeova wasũvĩie andũ make ĩvinda ya tene na ũndũ wĩkaa ũu ũmũnthĩ.
KĨLUNGUNĨ KĨĨ
ĨSOMO YA 14
Mũndũ Waĩ Ngombo Ĩndĩ Wamwĩwʼaa Ngai
Yosevu eekaa ũla waĩle ĩndĩ esa kũkwatwa nĩ thĩna mwingĩ mũno. Nĩkĩ?
ĨSOMO YA 19
Mothĩnyʼo Atatũ ma Mbee
Valao nĩwaeteie andũ make thĩna mũnene nũndũ wa mĩtũlyo yake na kũlea kwĩka ũndũ Ngai wendaa eke.
ĨSOMO YA 20
Mothĩnyʼo Thanthatũ Ala Maatĩĩe
Mothĩnyʼo aa maĩ kĩvathũkanyʼo ata na mothĩnyʼo atatũ ma mbee?
ĨSOMO YA 21
Ũthĩnyʼo wa Ĩkũmi
Ũthĩnyʼo ũsu waĩ mũthũku mũno nginya watuma Valao etĩkĩla kũlekya Aisilaeli.
ĨSOMO YA 22
Kyama Kyeekĩkie Ũkanganĩ Mũtune
Valao nĩwoomĩĩisye mothĩnyʼo ĩkũmi, ĩndĩ kyo kyama kĩĩ kya mũthya Ngai weekie nĩkyamũvĩtisye?