Hɔɔlʋʋ 4 yɔɔ kɔɔnɔɔ tɔm
Hɔɔlʋʋ kʋnɛ kɩ-taa, ɖɩkaɣ kpɛlɩkʋʋ Yosɛɛfʋ, Moyizi nɛ Izrayɛɛlɩ piya pɔ-tɔm. Sataŋ kɔnɩ nazɩm sɔsɔm pa-tɩŋa pɔ-yɔɔ. Pomuli pa-taa nabɛyɛ, paɖɩɣ lalaa salaka nɛ pakpa lalaa ɖɔɖɔ yomiye, halɩ pa-taa nabɛyɛ sɩba. Ɛlɛ Yehowa tɩŋnɩ nʋmɔŋ ndɩ ndɩ yɔɔ nɛ ɛkandɩyɩ pɔ-yɔɔ. Ye ŋkɛ lʋlɩyʋ yɔ, sɩnɩ ña-pɩɣa nɛ kana ɛzɩma ɛyaa mba pɔɖɔkɩ pe-tisuu kpam, paa paawɛ takɩm sɔsɔm taa yɔ.
Yehowa tɩŋnɩ kɩjɩkpɩŋ hiu yɔɔ nɛ ɛwɩlɩ kpayɩ kpayɩ se ɛwɛ ɖoŋ siŋŋ nɛ pɩkpaɖɩ Ejipiti ɛsɔnaa tɩŋa. Ñɩɣ niye ɛzɩma Yehowa kaahuuzi ɛ-samaɣ yɔɔ caanaʋ taa nɛ ɛzɩma ehuuzuu kɔ-yɔɔ sɔnɔ yɔ, pɩ-yɔɔ.
HƆƆLƲƲ KƲNƐ KƖ-TAA
KPƐLƖKƲƲ 15
Yehowa tɩsɔɔ Yosɛɛfʋ yɔɔ kpa
Paa Yosɛɛfʋ kaaposini ɛ-hɔʋ kɔyɔ, Yehowa kaawɛ ɛ-cɔlɔ nɛ ɛsɩɣnɩ-ɩ.
KPƐLƖKƲƲ 17
Moyizi lɩzaa se ɛsɛɣ Yehowa
Payabɩ pɩɣa Moyizi ñʋʋ pɩtɩnɩ ɖʋtʋ kɩbandʋ ndʋ e-ɖoo laba yɔ tɩ-yɔɔ
KPƐLƖKƲƲ 19
Kajalaɣ kɩjɩkpɩŋ naadozo
Faraɔɔ yeba nɛ ɛ-samaɣ sʋʋ kʋñɔŋ taa, mbʋ pʋyɔɔ yɔ ɛɛwɛ cajayɛ nɛ ekizi labʋ mbʋ pɔpɔzɩ-ɩ yɔ.
KPƐLƖKƲƲ 21
Kɩjɩkpʋʋ hiu ñɩŋgʋ
Kɩjɩkpʋʋ kʋnɛ kɩwɛɛkɩ wondu sakɩyɛ nɛ halɩ cajayɛ tʋ Faraɔɔ tisi nɛ eyele Izrayɛɛlɩ piya se sɩɖɛɛ.
KPƐLƖKƲƲ 22
Yehowa labɩ piti lakasɩ teŋgu Kɩsɛɛmʋʋ cɔlɔ
Faraɔɔ sʋ teŋgu taa, ɛlɛ Yehowa yele nɛ ɛsɩ peeɖe?