Xtiklajik li tasal 4
Saʼ li tasal aʼin, tqil li xyuʼam laj Jose, laj Job, laj Moises ut ebʼ laj Israel. Chixjunilebʼ aʼin keʼxkuy naabʼal li rahilal saʼ xkʼabʼaʼ laj Tza. Wankebʼ keʼrahobʼtesiik chi maakʼaʼ xmaakebʼ, keʼkʼeheʼk saʼ tzʼalam, keʼwank choʼq moos ut maakʼaʼ saʼ xchʼoolebʼ naq keʼkamk ebʼ li xkomon. Abʼan li Jehobʼa kiroksi jalan jalanq li naʼlebʼ re xkolbʼalebʼ. Wi wank aakokʼal, tenqʼahebʼ chi xtawbʼal ru naq ebʼ li xmoos li Jehobʼa maajunwa keʼxkanabʼ li xpaabʼal usta keʼxkʼul li rahilal.
Li Jehobʼa kiroksi lajeebʼ li rahilal re xkʼutbʼal naq jwal nim xwankil chiruhebʼ li xyosebʼ laj Egipto. Chʼolobʼ chiʼus naq li Jehobʼa kixkol li xtenamit najter ut naxbʼaanu ajwiʼ anaqwan.
SAʼ LI TASAL AʼIN
TZOLOM 14
Jun li moos li naʼabʼink chiru li Yos
Laj Jose naxbʼaanu li us, abʼan kʼajoʼ li rahilal naxkʼul. Kʼaʼut?
TZOLOM 15
Li Jehobʼa naxjultika laj Jose
Usta najt wank li xjunkabʼal laj Jose, li Jehobʼa junelik kiwank rikʼin.
TZOLOM 19
Li xbʼeen oxibʼ chi rahilal
Laj Faraon naxkʼe saʼ rahilal li xtenamit xbʼaan li xqʼetqʼetil ut inkʼaʼ naʼabʼink.
TZOLOM 21
Li xlaje rahilal
Jwal kaw li rahilal aʼin joʼkan naq li qʼetqʼet aj Faraon naxkanabʼebʼ chi xik ebʼ laj Israel.
TZOLOM 22
Li xsachbʼachʼoolej li Kaqi palaw
Laj Faraon kixnumsi li lajeebʼ chi rahilal, abʼan ma tixkol ribʼ chiru li xsachbʼachʼoolej li Yos?
