Etwalemo loshitukulwa 4
Oshitukulwa eshi osha kundafana kombinga yaJosef, Job, Moses nosho yo Ovaisrael. Aveshe ova li ve lididimika omaupyakadi oo a li a etifwa kOndiaboli. Vamwe ova li va ningilwa oinima ihe li pauyuki, va tulwa meedolongo, va ninga ovapika, navamwe ova dipawa nokuli. Ndele nande ongaho, Jehova okwa li e va amena meenghedi di lili noku lili. Ngeenge ou li omudali, kwafela okaana koye ka shiive kutya ovapiya vaJehova kava li va kanifa eitavelo lavo nonande ova li va ningilwa oinima ii.
Jehova okwa li a eta Omahandukilo Omulongo opo a ulike kutya oku na eenghono e dule oikalunga yaEgipti aishe. Divilika nghee Jehova a li a amena oshiwana shaye monakudiwa nonghee he shi ningi kunena.
MOSHITUKULWA ESHI
Omupika oo a li a dulika kuKalunga
Josef okwa li a ninga osho sha yuka, ndele nande ongaho okwa li a mona oixuna neenghono. Omolwashike mbela?
Jehova ka li a dimbwa omupiya waye Josef
Nonande Josef okwa li kokule noukwaneumbo wavo, Kalunga okwa li a ulika kutya oku li pamwe naye.
Job okwa li omulumenhu a tya ngahelipi?
Okwa li ha dulika kuJehova nopefimbo opo sha li shidjuu.
Moses okwa li a hoolola okulongela Jehova
Eshi Moses a li okaana, okwa li a xupifwa kuina omolwondunge oyo a li a ninga.
Oshixwa sheno sha tema
Omolwashike oshixwa sheno sha tema inashi lungwina po?
Omahandukilo otete atatu
Farao okwa li a ningifa ovanhu vaye va hangwe komaudjuu molwaashi oku na ounhwa noka li a hala okuninga etokolo.
Omahandukilo ahamano a landula ko
Omahandukilo oo okwa yooloka ko ngahelipi kwaao atatu otete?
Ehandukilo etimulongo
Ehandukilo olo ola li la kwata moiti neenghono nomolwaasho la li le linyengifa nokuli Farao oo a li e na ounhwa.
Oshikumwifilonga pEfuta Litilyana
Farao okwa li a xupa pehandukilo etimulongo, ndele mbela okwa li ngoo a xupa poshikumwifilonga shaKalunga osho?
