Omwa kitsweka kino thukendi kania oku Yozefu, Yobu, Musa, n’Abaisraeli. Abosi aba mubaghumira bindu bingyi ebikalethawa na Sitani. Abandi mubabana obuthe bulingirirania, erihiribwa omwa ngomo, eribya bakobe, n’abandi erithibwa. Aliwe omwa nzira nyingyi, Yehova mwabatheya. Wamabya iwuli mubuthi, wathikaya omwana wawu ayitheghereraye ngoku abaghombe ba Yehova abo mubanubibwa, aliwe bamasighalha ibane n’erikirirya.

Yehova mwakolesya Ebihunzo Ikumi erikangania ngoku awithe obuthoki bunene kwilhaba esyonyamuhanga esyosi esye Misiri. Kanganaya ngoku Yehova atheghaya abandu biwe omwa buthuku bwa kera kandi ngoku akabatheghaya munabwire.