A Buŋgɛi 4 Okɔɔ
Buŋgɛi hei cho naa chɔm nyɛ yɔŋnuŋ Choosɛ, Choobu, Muuse, vɛlɛ a Isɔluɛiya wo. Nda kpou ma biunuŋ nyɛpalaa Nyina Wɔɔŋndo wa nda tusioo choo wo. Apum ma tosal nda kafalaŋ, ma wou apum o chiɛila manyumndaŋ niŋ. Apum ma kua a nda o chɛleŋ niŋ, nduyɛ ma dii pɛŋ apum. Mi Chɛhowa manda nda o nɛila yɛ yɛlaŋ niŋ. Te kala chuaa ŋ cho ni, mala po numndo ɔɔ chua numndo le mbo bii bila mɛɛ buɛiyaa Chɛhowaa haa biunuŋ nyɛkindilaa, kɛ a feŋaŋ o laalaŋ ndaa choo le yɛ.
Mi Chɛhowa soliŋ kpundɛlaŋ tɔ kpeku, le chɔmndo maa o nɔ kpaayaa mbo hiau mɛlɛkaa kpou Ichipi. Chɔmndɔ mɛɛ Chɛhowa manda wanaa nduaa o sindɔɔ niŋ yɛ, nduyɛ a mɛɛ o cho vɛlɛ nda hau mandaa yɛ.
O BUŊGƐI HEI NIŊ
SUƐI LEBOLII 14
Buɛi Ndoo Tuei Mɛlɛka Diom Ndo
Mi Choosɛ tosa nyɛ wa o kɛndɔɔ wo, kɛ a koŋ kpou, mbo saŋga tau. Le yɛɛ?
SUƐI LEBOLII 15
Pesiŋ Bɛɛ Chɛhowa Puɛɛnuŋ Choosɛ Le
Mi che bɛɛ Choosɛ wa landaŋ a yuŋgu ndɔɔ, kɛ mi Mɛlɛka chɔm maa o wa a ndu latulu.
SUƐI LEBOLII 17
Mi Muuse Kɛɛsiaa le Chɛhowa Piɛiyo
Teleŋ Muuse wa chɛlɛkpɛ wo, mi kala ndɔ tosa kɛɛsiaa kɛndɛ kɛndɔɔ le ndu chiindiaa.
SUƐI LEBOLII 19
Kpundɛla Yaala Taselaŋ
Le mɛɛ Felo wa wana yoŋga mbo kɛɛ le suɛi tɛtɛlɛi tosaa yɛ, mbo tusi wanaa nduaa kpundɔɔ choo.
SUƐI LEBOLII 20
Kpundɛla Ŋɔmpumnda Cheleŋ
Vɛɛ kpundɛlaŋ ndaŋ la wa yɛ teŋgeŋ a kpundɛla yaala taselaŋ?
SUƐI LEBOLII 21
Kpundɛ Tɔ Wo
Kpundɔɔ hoo ndoo hiuba a wɔuleŋ, nduyɛ mbo tosa mi Felo yoŋga bɛndoo mal Isɔluɛiya.
SUƐI LEBOLII 22
Kaamaa o Pee Siaŋa Mɛŋma iHɛllo
Mi Felo sɔla chindaa o kpundɛla tɔ laŋ niŋ. Kɛ baa ndoo sɔla pa chindaa o kaamaa Mɛlɛka tosa hoo wo niŋ?