တၢ်ကတိၤအိးထီၣ် အတၢ်နီၤဖး ၄
တၢ်နီၤဖးတခါအံၤ ကပာ်ဖျါထီၣ်န့ၢ်ပှၤ စီၤယိၤသး, စီၤယိၤဘး, စီၤမိၤၡ့ ဒီးပှၤအံၣ်စရ့လးဖိတဖၣ်အဂ့ၢ်လီၤ. ခီဖျိလၢ မုၣ်ကီၤလံၢ်အတၢ်လ့ပစီအဃိ အဝဲသ့ၣ်ကိးဂၤဒဲး တူၢ်ဘၣ်တၢ်အါမးလီၤ. အဝဲသ့ၣ်တနီၤန့ၣ် ထံၣ်ဘၣ်ဝဲတၢ်တတီတလိၤ, လီၤဘၣ်လၢဃိာ်ပူၤ, ဘၣ်ကဲကုၢ် ဒီးအဂၤတနီၤနီၤန့ၣ် ဘၣ်တၢ်မၤသံအဝဲသ့ၣ်လီၤ. ဘၣ်ဆၣ် ယဟိဝၤယွၤဒီသဒၢအဝဲသ့ၣ် လၢကျဲအကလုာ်ကလုာ်လီၤ. နမ့မ့ၢ်မိၢ်ပၢ်န့ၣ် မၤစၢၤသုဖိဒ်သိး အဝဲသ့ၣ်ကနၢ်ပၢၢ်ထီၣ်ဝဲလၢ ယဟိဝၤယွၤအခ့အပှၤတဖၣ်အံၤ ထံၣ်ဘၣ်ဝဲတၢ်ကီတၢ်ခဲ သနာ်က့ အဝဲသ့ၣ်အတၢ်နာ် တဟးဂီၤဘၣ်အဂ့ၢ်န့ၣ်တက့ၢ်.
ယဟိဝၤယွၤသူဝဲတၢ်နးတၢ်ဖှီၣ်အခါတဆံ ဒ်သိးကပာ်ဖျါထီၣ်ဝဲလၢ အစိကမီၤဒိၣ်န့ၢ်ဒံး ပှၤအဲၤကူပတူးဖိအယွၤတဖၣ်န့ၣ်လီၤ. ဒုးသ့ၣ်ညါသုဖိလၢ ယဟိဝၤယွၤဒီသဒၢ အပှၤဂီၢ်မုၢ်လၢညါ ဒီးခဲအံၤဒ်လဲၣ်အဂ့ၢ်န့ၣ်တက့ၢ်.
တၢ်ဂ့ၢ်လၢလာ်တဖၣ်
တၢ်မၤလိ ၁၄
ကုၢ်တဂၤလၢ အဒိကနၣ်ကစၢ်ယွၤအကလုၢ်
စီၤယိၤသးမ့ၢ်ပှၤဂ့ၤတဂၤ ဘၣ်ဆၣ် ကွၢ်ဆၢမဲာ်ဘၣ်ဒီးတၢ်ကီတၢ်ခဲလီၤ. ဘၣ်မနုၤအဃိလဲၣ်.
တၢ်မၤလိ ၁၅
ယဟိဝၤယွၤတသးပ့ၤနီၣ် စီၤယိၤသးနီတဘျီဘၣ်
စီၤယိၤသးဘၣ်အိၣ်ယံၤဒီး အဟံၣ်ဖိဃီဖိဒၣ်လဲာ် ယဟိဝၤယွၤအိၣ်ဒီးအီၤလီၤ.
တၢ်မၤလိ ၁၇
စီၤမိၤၡ့ဃုထၢလၢ အကဘူၣ်ထီၣ်ဘါထီၣ်ယဟိဝၤယွၤ
ဒ်ဖိသၣ်တဂၤအသိး စီၤမိၤၡ့အမိမၤပူၤဖျဲးအီၤလၢ တၢ်ကူၣ်သ့အပူၤလီၤ.
တၢ်မၤလိ ၁၉
တၢ်နးတၢ်ဖှီၣ်အဆိကတၢၢ်သၢခါ
စီၤပၤဖၤရိၤဒုးအိၣ်ထီၣ်တၢ်ကီတၢ်ခဲလၢ အပှၤဂီၢ်မုၢ်အဖီခိၣ် ခီဖျိလၢအဝဲပာ်ထီၣ်ထီအသးလၢ တဒိကနၣ်တၢ်ဘၣ်အဃိလီၤ.
တၢ်မၤလိ ၂၀
တၢ်နးတၢ်ဖှီၣ်လၢအဂၤဃုခါ
တၢ်နးတၢ်ဖှီၣ်တဖၣ်အံၤ လီၤဆီဒီးတၢ်နးတၢ်ဖှီၣ်အဆိကတၢၢ်သၢခါဒ်လဲၣ်.
တၢ်မၤလိ ၂၁
တၢ်နးတၢ်ဖှီၣ်လၢခံကတၢၢ်တခါ
တၢ်နးတၢ်ဖှီၣ်အခါတဆံန့ၣ် မ့ၢ်တၢ်နးတၢ်ဖှီၣ်လၢအဒိၣ်ကတၢၢ် တုၤဒၣ်လဲာ်စီၤပၤဖၤရိၤ တူၢ်ၡူဝဲလီၤ.
တၢ်မၤလိ ၂၂
တၢ်လီၤလးဖဲပီၣ်လဲၣ်ဂီၤ
ဖဲစီၤပၤဖၤရိၤကွၢ်ဆၢမဲာ်ဘၣ်ဒီး တၢ်နးတၢ်ဖှီၣ်အခါတဆံအခါ မ့ၢ်အလဲၤပူၤဖျဲးဝဲတၢ်လီၤလးအံၤန့ၢ်ဧါ.