Awˬ tawn 4 tawn teˇ tawn hkʼaw Yoˇsehꞈ, Yawˇbaˆ, Moˉseˍ leh Iˉsaˍreˍlaˆ chaw hui ve awˬ lawn gʼa shiˍ tuˬ yoˬ. Yawˇ hui htaꞈ Saˍtanˍ laiˉ pawˆ lawˇ nyi piˇ ve yoˬ. Teˇ hpaˍ hpaˍ maˇ hteˇ maˇ cawˇ ve, htawnˍ hkʼaw yuˬ keu piˇ ve, awˬ ceˬ nyiˉ te piˇ ve, tiˇ pehˍ piˇ ve, chi teˇ hpaˍ htaꞈ gʼa hkanˍ ve yoˬ. Yaꞈ hkʼaˇ, Yaˬhoˉvaˬ yawˇ hui htaꞈ haꞈ shaˉ piˇ jaw ve yoˬ. Yaˬhoˉvaˬ yawˇ ve kanˉ te ve chaw maˇ hteˇ maˇ cawˇ ve leh tuꞈ ve hkanˍ ve gʼa hpuˇ ve htawˇ, yawˇ hui yonˍ yeˬ chehˇ ve awˬ pa awˬ e yaˇ na gʼa tuˬ ga piˇ sheˍ.

Yaˬhoˉvaˬ lehˬ Eˇjiˇtuꞈ mvuhˇ miˬ ve gʼuiˬ sha hkʼa peu˗eˬ aꞈ kehˉ kanˇ paˆ uiˍ jaˇ ve tehꞈ hpeuꞈ maw piˇ tuˬ, kawˆ tuˬ uiˍ ve awˬ heˆ 10 ceuˬ cawˬ la piˇ ve yoˬ. Aˬ sho˗eˬ htaˇ Gʼuiˬ sha ve chaw htaꞈ yawˇ haꞈ shaˉ piˇ ve hkʼa shuˍ, chi beuꞈ teˇ co˗e htawˇ, Yaˬhoˉvaˬ haꞈ shaˉ laˇ tuˬ yoˬ tehꞈ yaˇ htaꞈ kʼoˆ maˍ piˇ sheˍ.