Kalulo ye italusa litaba ka za Josefa, Jobo, Mushe, ni Maisilaele. Kaufelaa bona nebaitiisize hahulu ka nako yene balikiwa ki Diabulosi. Babañwi ku bona nebasika ezwa hande, nebakenyizwe mwa tolongo, nebaisizwe mwa butanga, mi mane babañwi nebabulailwe. Kono kusina taba ni zeo kaufela, Jehova naabasilelelize. Haiba mu bashemi, mutuse mwanaa mina kuziba mo batanga ba Jehova bao nebaitiiselize hane banyandisizwe ni mone bazwezipili kubonisa tumelo.

Jehova naaitusisize Likoto Zelishumi ili kubonisa kuli unani maata amatuna hahulu kufita milimu kaufela ya mwa Egepita. Mutaluse mo Jehova naasilelelize batu bahae kwamulaho ni mwaezeza cwalo kacenu.