Kujimbula Chihanda 4
Chihanda chino nachishimutwila hali Yosefwe, naYopa, naMose navaIsalele. Liyavolo ayanjishilenga chikuma vatu kana. Veka vavayanjishilenga, kaha vamwe vavahakilenga mutumenga, vakwavo vavatwalilenga muundungo, kaha veka vavajihilenga. Numba tuhu vavayanjishilenga mujila kaneyi oloze Yehova avakingilenga. Nge wapwa uchisemi kaha kafwa mwanove atachikize omu vangamba jaKalunga vavayanjishilenga chakuzeneka kuseza lufwelelo lwavo.
Yehova azachishile Vipupu 10 mangana alisolole ngwenyi apwile nangolo chikuma kuhambakana tulunga vavaEjipitu vosena. Kafwa mwanove ejive omu Yehova akingile vatu jenyi kushikulu nomu ali nakuvakinga makumbi ano.
MUCHIHANDA CHINO
CHILONGESA 14
Ndungo Uze Ononokele Kalunga
Numba tuhu Yosefwe alingilenga vyuma vyakwoloka oloze vamuyanjishilenga. Mwomwo ika?
CHILONGESA 15
Yehova Kavulyamine Yosefweko
Numba tuhu Yosefwe apwilenga kwakusuku natanga yenyi, oloze Kalunga amuzakaminenga.
CHILONGESA 17
Mose Asakwile Kulemesa Yehova
Omu Mose apwile kemba, vamuyowele kuli naye mujila yakuzangama.
CHILONGESA 19
Vipupu Vitatu Vyakulivanga
Fwalo anehele ukalu hali vatu jenyi mwomwo alivwimbile nakukana kulinga chuma chimwe vamulwezele.
CHILONGESA 20
Vipupu 6 Vyakavangijileho
Evi vipupu vyalihandunwine ngachilihi navipupu vitatu vyakulivanga?
CHILONGESA 21
Chipupu 10
Chipupu kana chapwile chakukomowesa chikuma, chalingishile naFwalo wakulivwimba etavile kusuula vaIsalele.
CHILONGESA 22
Chakukomwesa Chasolokele haKalungalwiji Uchila
Fwalo amwene vipupu 10, uno ayovokele kuli echi chakukomwesa alingile Kalunga tahi?
