Xi tínchja̱ni 4
Jotjín kjoaʼmiya jchaa ibi kui kuinchja̱ni tʼatsʼe José, Job, Moisés kao chjota israelita. Ngatsʼi kiskale kjoañʼai xi jaʼatojin xi totʼatsʼe je Na̱i. Tjínkʼa xi tsín kixi jme xi koantʼain, xi ndoyá kichani, xi choʼnda kinikao kʼoa tjínkʼa xi saʼnda kʼien xínkjín. Tonga jé Jeobá kisikuinda. Kʼiatsa tjínli ʼndíxti, tʼinyalai kʼianga tsín kisikinroajen kjoamakjainle chjota jebi ninga tse kjoañʼai tsakjaʼá.
Je Jeobá te kjoañʼai kisichjén kʼianga tsakakó nga ngisa tse nganʼio tjínle tikʼoajinni ngatsʼi niná xi kisʼetsʼoale ya Egipto. Tʼeyanajmí josʼin kisikuinda Jeobá je naxinandále nichxin kjoatse kʼoa kao ndʼaibi.
KUI FAʼAITʼA JEBI
KJOAʼMIYA 14
Kisitjosonle Niná ninga choʼnda kinikao
Ningalani kixi koan José, ánni nga tse kjoa jaʼatojinsíni.
KJOAʼMIYA 15
Je Jeobá alikui kisichajin José
Ningalani kjin tsakʼejnale familiale José, Niná alikuikʼia kitsjionkon.
KJOAʼMIYA 17
Je Moisés jé Jeobá tsakʼétsʼoale
Kʼianga sʼa ʼndí kji je Moisés jé na̱le tsakʼasjentjai.
KJOAʼMIYA 19
Je xi títjon jan kjoañʼai
Tse kjoa kichone naxinandále faraón nga ngʼakon koan kʼoa tsín ni̱to̱n kisikatíondaí chjota israelita.
KJOAʼMIYA 20
Ngi jaon kjoañʼai
Jméni xi tsín koanngóson je kjoañʼai jebi kao xi títjon jan kjoañʼai.
KJOAʼMIYA 21
Kjoañʼai xi mani te
Nʼio aon koanle je chjota egipcio nga kichone kjoañʼai jebi, saʼnda kisikatíondaí faraón je chjota israelita.
KJOAʼMIYA 22
Kjoaxkón xi kisʼejna ya ndáchikon Ní
Je faraón jaʼatojin je kjoañʼai xi te, tonga a kinjengile yaole nga jaʼaine kjoaxkón xi tsakakósa Niná.
