Naanin Ijjino ko ñan Jebta 4
Katak ko ilo jebta in kein kãmen rej kwal̦o̦k kõn Josep, Job, Moses, im RiIsrael ro. Aolepeer rar iioon apañ im mãlejjoñ ko jãn Setan Tepil̦. Jet iaaer rar pãd ilo kalbuuj, jet rar rũkõm̦akoko, im bar jet rar iioon apañ kõn an jab jim̦we wãween an kar ro jet kõm̦m̦an ñan er. Bareinwõt, jet iaaer rar bũrom̦õj ke ro rejitõnbõro ippãer rar mej. Bõtab, Jeova ear jipañ im kõjparok er ilo elõñ wãween ko. El̦aññe ewõr nejũm̦, jipañe ñan mel̦el̦e kõn wãween an kar rũkarejar ro an Jeova maroñ kajoor wõt ilo tõmak meñe rar iioon mãlejjoñ im apañ ko.
Jeova ear kõm̦m̦an bwe en wal̦o̦k Menin Kaeñtaan ko Joñoul ñan kaalikkar bwe e eo el̦apl̦o̦k an kajoor jãn aolep anij ko an RiIjipt ro. Jouj im lukkuun kaalikkar wãween an kar Jeova kõjparok armej ro an ilo iien ko etto im wãween an bar kõjparok er ilo raan kein.
ILO JEBTA IN
KATAK 14
Juon Rũkõm̦akoko me Ear Pokake Anij
Josep ear kõm̦m̦ane juon men ejim̦we, ak ear iioon eñtaan im apañ. Etke?
KATAK 15
Jeova Ear Jab Mel̦o̦kl̦o̦k Josep
Meñe Josep ear pãd ettol̦o̦k jãn baam̦le eo an, ak Anij ear pãd ippãn.
KATAK 17
Moses Ear Kããlõt bwe Enaaj Kabuñ ñan Jeova
Ke Moses ear niñniñ, kõrã eo lukkuun jinen ear kõm̦m̦ane juon men me ear kõjparok mour eo an Moses.
KATAK 19
Menin Kaeñtaan ko Jilu M̦oktata
Pero ear kõm̦m̦an bwe jorrããn ko ren wal̦o̦k ñan armej ro an kõnke ear m̦akoko in kõm̦m̦ane juon men epidodo. Men in ear kwal̦o̦k an utiej bũruon.
KATAK 20
Menin Kaeñtaan ko Jiljino Tokãlik
Etke menin kaeñtaan kein reoktak jãn menin kaeñtaan ko jilu m̦oktata?
KATAK 21
Menin Kaeñtaan eo Kein Kajoñoul
Joñan an kar nana menin kaeñtaan in, Pero, eo im eutiej bũruon, ear bõjrak jãn an jum̦ae.
KATAK 22
Juon Menin Bwilõñ Ear Wal̦o̦k ilo Lom̦al̦o Ekilmir
Pero ear el̦l̦ã im mour jãn menin kaeñtaan ko joñoul, ak ear ke mour wõt ke Anij ear kõm̦m̦ane menin bwilõñ in?