Bab-kãngã pʋgẽ, d na n goma a Zozɛf, a Zoob ne a Moyiiz la Israyɛll nebã yelle. A Sʋɩtãan namsa b fãa wʋsgo. A kɩtame tɩ b maan kẽer pãnga, n kẽes-b bãens-roogo, bɩ n kɩt tɩ b lebg yembse. A kɩtame meng tɩ b kʋ kẽer zak rãmba. La a Zeova maana bũmb toor-toor n sõng-ba. Yãmb sã n tara biiga, sõng-y-yã-a t’a bãng nin-kãensã sẽn maan to-to n kell n sak a Zeova, baa b sẽn nams wʋsgã.

A Zeova kɩtame tɩ yel-beed piig paam Ezɩpt nebã, sẽn na yɩl n wilg-b tɩ yẽ pãngã yɩɩda b wẽnnaam-dãmbã. Sõng-y y biigã t’a bãng a Zeova sẽn sõng a nebã to-to pĩndã, la rũndã-rũndã.