Itech nejin taxelol, ininka titajtoskej José, Job, Moisés uan israelitas. Nochin kixikojkej miak tajyouilismej tein Amokuali kichiuak maj kipanouanij. Sekin ininka mauiltijkej, kintsakkej, kinteltekitiltijkej uan momikilijkej akin kintasojtayaj. Sayoj ke Jiova kinmatampauij ika miak taman. Komo tejuatsin tikonpia konemej, xikonpaleui maj kiitakan ke nejon itekitikauan Jiova kisentokakej takuaujtamatkej iuan maski tel tajyouijkej.

Ika majtakti chauismej Jiova kinextij ke kipia okachi chikaualis ke nochin tiotsitsin tein kinueyichiuayaj Egipto. Xikonajsikamatilti  mokoneuan ke Jiova kimatampauij ixolal ne uejkauj uan ke axkan no ijkon kichiua.