Ẹzẹkoko ọrẹ Oghọn 4
Oghọn ọnana ọ ta kpahen i Joseph, Job, Moses, ọrhẹ emọ Israel. Aye ephian i vwo edirin udabọ ẹkparehaso i Dẹbolo. Ezẹko usuẹn aye i rhiẹromẹrẹn osehiẹn, erhirhiẹ evrẹn, e fi ezẹko rhẹ ekanron, ezẹko i tobọ dẹrughwaroghwu uhwu. Jehova ọ sẹrorẹ aye uvuẹn erhirhiẹ sansan erana. Wu rhe rhiẹ ọmiọmọ, ha userhumu rẹn ọmọ ọnọ no vwẹruọ oborẹ idibo i Jehova i ru sẹrorẹ esegburhomẹmro aye udabọ erhirhiẹ ọgbogbanhon.
Jehova ọ ha Ikpokpogho Ikpe na phia, no djephia taghene ọye yọ mai vwo omẹgbanhon ghwẹ ọsoso isolobrugwẹ ri ha uvuẹn Egypt. Dabu dje oborẹ i Jehova o ru sẹrorẹ ihworho enẹyen ọke ahwanren, ọrhẹ ọke ọnana.
IN THIS SECTION
UYONO 14
Ọvrẹn rọ Huvwele Osolobrugwẹ
Joseph o ru oborẹ ọgbare, ọrẹn, ọ ji rioja ọgbogbanhon. Mesoriẹ?
UYONO 15
Joseph ọ Sẹrẹ i Jehova ẹro-o
Dedevwo ekete i Joseph ọ havwọ o seri nẹ ekete ekrun ọnẹyen ọ havwọ, Osolobrugwẹ o djephia taghene ọye ọrhẹ i Joseph i ji havwiẹ.
UYONO 21
Ukpokpogho ọrẹ Ikpe na
Ukpokpogho ọnana ọ gbanhonron omamọ te erhirhiẹ i Pharaoh o kwe tiobunu emọ Israel nẹ aye i nyarhẹn.
UYONO 22
Igbevwunu rọ Phiare Uvuẹn Urhie re se Red
Pharaoh ọ vabọ ukpokpogho ọrẹ ikpe na, ọrẹn, o hwuru ọke Osolobrugwẹ o ru igbevwunu ọnana?