Nabasa ed sayan seksion so istorya tungkol ed si Jose, Job, Moises, tan saray Israelita. Amin da et dinmalan ed dakel ya irap lapud Diablo. Arum ed sikara et minaltrato, impriso, inaripen, tan pinatey ni ingen. Balet prinotektaan ira nen Jehova ed nanduruman paraan. No sakey kan ateng, tulongan so anak mo ya natalosan ton anggano nanirap irayan lingkor nen Jehova, agkinmapuy so pananisia ra.

Angidapo si Jehova na Samploran Salot pian ipanengneng ya sikatoy mas makapanyari nen say amin ya dios na Ehipto. Idanet no panon ya prinotektaan nen Jehova iray totoo to nensaman tan no panon to ran proprotektaan natan.