Ко акава дело ка сикљова нешто повише башо Јосиф, Јов, Мојсеј хем башо Израелција. Саринен сине лен бут проблемија со керѓа ленге о Бенг. На пример, несаве лендар доживинѓе баре неправде, сине ко затвор, уле робија или муло некој таро ленгере најпаше. Ама, о Јехова заштитинѓа лен ко различна начинија. Ако сиан родители, поможин те чхавеске те хаљол кај адала слуге е Јеховаскере на нашавѓе пли вера иако сине лен бут муке хем проблемија.

О Јехова керѓа деш неволје е Египќаненге те шај те сикавел кај ов тано посилно таро ленгере девела. Истакнин сар о Јехова  заштитинела сине пле народо ко пурано време хем сар керела адава авдиве.