Ko akava delo ka sikljova nešto poviše bašo Josif, Jov, Mojsej hem bašo Izraelcija. Sarinen sine len but problemija so kergja lenge o Beng. Na primer, nesave lendar doživingje bare nepravde, sine ko zatvor, ule robija ili mulo nekoj taro lengere najpaše. Ama, o Jehova zaštitingja len ko različna načinija. Ako sian roditeli, pomožin te čhaveske te haljol kaj adala sluge e Jehovaskere na našavgje pli vera iako sine len but muke hem problemija.

O Jehova kergja deš nevolje e Egipkjanenge te šaj te sikavel kaj ov tano posilno taro lengere devela. Istaknin sar o Jehova  zaštitinela sine ple narodo ko purano vreme hem sar kerela adava avdive.