O le a talanoaina i lenei vaega Iosefa, Iopu, Mose, ma tagata Isaraelu. Na tele mafatiaga na latou onosaʻia ona o faiga a le Tiapolo. O nisi o i latou sa feagai ma faiga lē tonu, faafalepuipuiina, nofo pologa, faapea le maliliu faafuaseʻi o ni ē pele. E ui i lea, e tele auala na puipuia ai i latou e Ieova. Afai o oe o se matua, ia fesoasoani i lau tama e malamalama pe na faapefea i na auauna a Ieova ona faatumauina pea lo latou faatuatua e ui na feagai ma faiga leaga.

Na faaaogā e Ieova Mala e Sefulu e faailoa mai ai e sili atu lona malosi nai lo o atua uma o Aikupito. Ia faamatilatila auala na puipuia ai e Ieova ona tagata i le taimi ua teʻa faapea aso nei.