Chikamu chino chinotiudza nezvaJosefa, Jobho, Mozisi, uye vaIsraeri. Vose havo vakatsungirira matambudziko akawanda aibva kuna Dhiyabhorosi. Vamwe vavo vakabatwa zvakaipa, vakasungwa, vakaitwa varanda uye vamwe vavo vakaerekana vafirwa nevanhu vavaida. Kunyange zvakadaro, Jehovha akavachengetedza nenzira dzakasiyana-siyana. Kana uri mubereki, batsira mwana wako kunzwisisa kuti vashumiri vaJehovha ivavo vakaramba sei vaine kutenda pasinei nekuitirwa zvakaipa.

Jehovha akashandisa Matambudziko Gumi kuti aratidze kuti ane simba kupfuura vanamwari vese veIjipiti. Ratidza kuti Jehovha akachengetedza sei vanhu vake kare uye ari kuvachengetedza sei mazuva ano.