Karolong ena re tl’o bua ka Josefa, Jobo, Moshe le Baiseraele. Kaofela ha bona Diabolose o ile a ba tlisetsa mathata a mangata. Ba bang ba ile ba tšoaroa hampe, ba koalloa teronkong, ea e-ba makhoba ’me ba bang ba bolaoa. Empa Jehova o ile a ba sireletsa ka litsela tse sa tšoaneng. Thusa ngoana oa hao ho utloisisa hore le hoja bahlanka bana ba Jehova ba ile ba tobana le mathata, ha baa ka ba felloa ke tumelo.

Jehova o ile a sebelisa Likotlo Tse Leshome ho bontša hore o matla ho feta melimo eohle ea Egepeta. Mo bontše kamoo Jehova a ileng a sireletsa bahlanka ba hae nakong e fetileng le kamoo a ba sireletsang kateng kajeno.