Kenyeletso ya Karolo ya 4
Karolong ena re tlo bua ka Josefa, Jobo, Moshe le Baiseraele. Kaofela ha bona Diabolose o ile a ba tlisetsa mathata a mangata. Ba bang ba ile ba tshwarwa hampe, ba kwallwa teronkong, ya e ba makgoba, mme ba bang ba bolawa. Empa Jehova o ile a ba sireletsa ka ditsela tse sa tshwaneng. Haeba o motswadi, thusa ngwana ho utlwisisa hore le hoja bahlanka bana ba Jehova ba ile ba tobana le mathata, ha ba a ka ba fellwa ke tumelo.
Jehova o ile a sebedisa Dikotlo Tse Leshome ho bontsha hore o matla ho feta medimo yohle ya Egepeta. Mo bontshe kamoo Jehova a ileng a sireletsa bahlanka ba hae nakong e fetileng le kamoo a ba sireletsang kateng kajeno.
KAROLONG ENA
THUTO YA 14
Lekgoba le Ileng la Mamela Modimo
Josefa o ile a etsa se nepahetseng, empa a nna a ba le mathata. Hobaneng?
THUTO YA 15
Jehova ha aa ka a Lebala Josefa
Le hoja Josefa a ne a le hole le ba lelapa labo, Modimo ha aa ka a mo lebala.
THUTO YA 19
Dikotlo Tsa Pele Tse Tharo
Faro o ile a tlisetsa batho ba hae tlokotsi hobane ka boikgohomoso o ile a hana ho mamela taelo e le nngwe feela e bonolo.
THUTO YA 20
Dikotlo Tse Ding Tse Tsheletseng
Dikotlo tsee di ne di fapane jwang le tse tharo tse tlileng pele ho tsona?
THUTO YA 21
Kotlo ya Leshome
Kotlo ena e ne e le bohloko hoo Faro wa moikgohomosi a ileng a qetella a lokolotse Baiseraele.
THUTO YA 22
Ho Etsahala Mohlolo Lewatleng le Lefubedu
Le hoja Faro a ile a phonyoha dikotlong tse leshome, na o ile a phonyoha Lewatleng le Lefubedu?
