Ko e konga ko ení te tau talanoa ai kia Siosifa, Siope, Mōsese pea mo e kau ʻIsilelí. Ko kinautolu kotoa naʻa nau kātakiʻi ʻa e meʻa lahi naʻe fai ʻe he Tēvoló. Naʻe hoko ki he niʻihi ʻo kinautolu ʻa e fakamaau taʻetotonu, tuku pilīsone, nofo pōpula, pea aʻu ki he mate. Neongo ia, naʻe maluʻi kinautolu ʻe Sihova ʻi he founga kehekehe. Kapau ko ha mātuʻa tauhi fānau koe, tokoniʻi hoʻo kiʻi tamá ke ne mahinoʻi ʻa e ʻuhinga naʻe hoko ai ʻa e kovi ki he kau sevāniti ʻa Sihová kae ʻikai ke mole ʻenau tuí.

Naʻe ngāueʻaki ʻe Sihova ʻa e Mala ʻe Hongofulu ke fakahaaʻi ʻokú ne mālohi ange ʻi he ngaahi ʻotua kotoa ʻo ʻIsipité. Fakamamafaʻi ʻa e anga hono maluʻi ʻe Sihova ʻa hono kakaí ʻi he kuohilí mo e founga ʻo ʻene fai ia he ʻaho ní.