Introdaksen Bilong Seksen 4
Dispela seken bai stori long Josep, Jop, Moses na lain Israel. Olgeta bilong ol i karim hevi long han bilong Devil tasol ol i sanap strong. Sampela bilong ol i bungim hevi bilong ol man i no mekim stretpela kot, stap kalabus, wok sleiv, na tu, ol i dai. Tasol Jehova i lukautim ol long narapela narapela rot. Sapos yu wanpela papa o mama, helpim pikinini bilong yu long luksave hau ol dispela wokman bilong Jehova i karim hevi na i no lusim bilip.
Jehova i yusim Tenpela Bikpela Hevi long soim olsem em i gat bikpela strong moa winim olgeta god bilong Isip. Kamapim klia hau Jehova i lukautim lain bilong em long bipo na hau em i mekim olsem long nau tu.
LONG DISPELA HAP
LESEN 14
Sleiv i Bihainim Tok Bilong God
Josep i bihainim stretpela pasin, tasol em i karim hevi. Bilong wanem?
LESEN 15
Jehova i No Lusim Tingting Long Josep
Maski Josep i stap longwe long famili bilong em, God i pruvim olsem em i stap wantaim Josep.
LESEN 19
Fes Tripela Bikpela Hevi
Fero i bringim bikpela hevi long ol manmeri bilong em bikos em i hambak na i no laik bihainim tok.
LESEN 20
Neks Sikspela Bikpela Hevi
Hau ol dispela bikpela hevi i narapela kain long fes tripela bikpela hevi?
LESEN 21
Namba Ten Bikpela Hevi
Dispela bikpela hevi i nogut tru olsem na hambakman Fero i lusim ol Israel i go.
LESEN 22
Mirakel Long Solwara Retsi
Fero inap karim tenpela bikpela hevi, tasol yu ting em i abrusim dispela mirakel bilong God?