Xiyenge lexi xi vulavula hi Yosefa, Yobo, Muxe ni Vaisrayele. Hinkwavo ka vona va tiyisele maxangu yo tala ya Diyavulosi. Van’wana va vona va khomiwe ku biha, va pfaleriwa ekhotsweni, va va mahlonga hambi ku ri ku dlayiwa. Hambiswiritano, Yehovha u va sirhelerile hi tindlela to hambanahambana. Loko u ri mutswari, pfuna n’wana wa wena leswaku a twisisa ndlela leyi malandza lawa ya Yehovha ma tshameke ma tshembekile ha yona hambiloko ma langutane ni maxangu.

Yehovha u tirhise Makhombo ya Khume ku kombisa leswaku u ni matimba swinene ku tlula swikwembu hinkwaswo swa le Egipta. N’wi hlamusele ndlela leyi Yehovha a va sirheleleke ha yona vanhu vakwe enkarhini lowu hundzeke ni ndlela leyi a va sirhelelaka ha yona namuntlha.