Mazgu Ghakwamba gha Chigaŵa 4
Chigaŵa ichi chikutiphalira vya Yosefe, Yobu, Mozesi, na Ŵaisrayeli. Wose ŵakazizipizga masuzgo ghanandi kufuma kwa Dyabulosi. Ŵanyake ŵakaŵachitira nkhaza, kuŵakaka, kuŵakora wuzga, nanga nkhuŵakoma. Kweni Yehova wakaŵavikilira munthowa zinandi. Usange ndimwe mupapi, movwirani mwana winu kumanya kuti ŵateŵeti ŵa Yehova aŵa ŵakataya yayi chipulikano chawo pa nyengo iyo ŵakasuzgikanga.
Yehova wakatuma Miliri 10 kuti walongore kuti wali na nkhongono chomene kuluska ŵachiuta wose ŵa mu Eguputo. Longosorani umo Yehova wakavikilira ŵanthu ŵake kale kweniso umo wakuchitira mazuŵa ghano.
MU CHIGAŴA ICHI
Muzga Uyo Wakapulikiranga Chiuta
Yosefe wakachitanga viwemi, kweni wakasuzgika chomene. Chifukwa wuli?
Yehova Wakamuluwa Yayi Yosefe
Nangauli Yosefe wakaŵa kutali na mbumba yakwake, Chiuta wakaŵa nayo.
Kasi Yobu Wakaŵa Njani?
Yobu wakapulikira Yehova nanga ni apo vinthu vikasuzga chomene.
Mozesi Wakasankha Kusopa Yehova
Apo wakaŵa bonda, Mozesi wakapona chifukwa cha kuchenjera kwa anyina.
Chivwati Icho Chikabukanga Moto
Chifukwa wuli chivwati chikaleka kunyeka na moto?
Miliri Yitatu Yakwamba
Farawo wakachemera masuzgo pa ŵanthu ŵake chifukwa chakuti wakaŵa wakujikuzga chomene.
Miliri Yinyake 6
Kasi miliri iyi yikapambana wuli na miliri yitatu yakwambilira?
Muliri wa Nambara 10
Muliri uwu ukaŵa wakupweteka chomene mwakuti Farawo uyo wakaŵa wakujikuzga nayo wakathera.
Chakuzizwiska Icho Chikachitika pa Nyanja Yiswesi
Farawo wakapona ku miliri 10, kweni kasi wakapona ku chakuzizwiska cha Chiuta ichi?
