Ɔfã 4 Nnianim Nsɛm
Yɛbɛka Yosef, Hiob, Mose ne Israelfo ho asɛm wɔ ɔfã yi mu. Wɔn nyinaa, Ɔbonsam ma wohuu amane. Nkurɔfo yɛɛ wɔn mu bi bɔne, wɔde ebinom too afiase, wɔyɛɛ ebinom nkoa, na afoforo nso wuwui. Nanso Yehowa faa akwan pii so bɔɔ wɔn ho ban. Sɛ woyɛ ɔwofo a, boa wo ba ma onhu sɛ saa nnipa yi huu amane bebree, nanso wɔannyae Yehowa som.
Yehowa de Ɔhaw Du baa Egyptfo no so. Ɛno maa nkurɔfo huu sɛ ɔwɔ ahoɔden sen Egyptfo anyame nyinaa. Ma wo ba no nhu sɛnea Yehowa bɔɔ ne nkurɔfo ho ban tete no ne sɛnea ɔbɔ ne nkurɔfo ho ban nnɛ.
IN THIS SECTION
ADESUA 14
Akoa Bi a Ɔyɛɛ Nea Onyankopɔn Pɛ
Yosef yɛɛ adepa, nanso ohyiaa ɔhaw a emu yɛ den. Adɛn ntia?
ADESUA 15
Yehowa Werɛ Amfi Yosef Da
Ɛwom sɛ na Yosef mmɛn n’abusuafo koraa deɛ, nanso Onyankopɔn ma ohuu sɛ ɔka ne ho.
ADESUA 17
Mose Yɛɛ N’adwene sɛ Ɔbɛsom Yehowa
Bere a Mose yɛ abofra no, ne maame nyansa nti, wɔannya no ankum no.
ADESUA 19
Ɔhaw Mmiɛnsa a Edi Kan
Farao kɔfaa ɔhaw baa ne nkurɔfo so, efisɛ na ommu ade koraa. Ade ketewa bi a wɔka kyerɛɛ no sɛ ɔnyɛ no, wanyɛ.
ADESUA 21
Ɔhaw a Ɛto so Du
Ɔhaw yi sɛee ade paa ma enti awiei koraa no, Farao a na ommu ade no maa Israelfo no kɔe.
ADESUA 22
Anwonwade Bi Sii Wɔ Po Kɔkɔɔ no Ho
Ɔhaw du no deɛ, Farao anwu. Nanso anwonwade a esii wɔ Po Kɔkɔɔ ho no deɛ, wohwɛ a, onyaa ne ti didii mu anaa?
