Jvokʼ xchanobil 4
Li ta jvokʼ xchanobil liʼe ta jchanbetik skʼoplal xkuxlejalik li Jose, Job, Moises xchiʼuk li j-israeletike. Skotolik taje kuch yuʼunik li vokolil akʼbatik yuʼun li Satanase. Junantike laj yichʼik ilbajinel, tikʼatik ta chukel, mosoinatik xchiʼuk junantike cham yutsʼ yalalik. Pe jeltos ti kʼu yelan chabiatik yuʼun li Jeovae. Mi oy avalab anichʼnabe koltao sventa xakʼik venta ti muʼyuk bu xchʼay xchʼunel yoʼontonik junantik yajtuneltak Jeova ta voʼnee, akʼo mi ep laj yil svokolik.
Li Jeovae la stunes li lajuneb vokoliletik sventa xakʼ ta ilel ti stuk noʼox toj ep sjuʼele, ti mu jechuk li jecheʼ diosetik ta Ejiptoe. Akʼbo xchanik ti jaʼ jech ta xchabi steklumal Jeova li avie kʼakʼal eke, jech kʼuchaʼal la spas li ta mas voʼnee.
Ta jvokʼ liʼe
XCHANOBIL 14
Jun mosoil ti chchʼunbe smantal Diose
Akʼo mi lek kʼusi la spas li Josee, laj onoʼox yil tsots svokol pe, ¿kʼu yuʼun?
XCHANOBIL 15
Li Jeovae vul ta sjol li Josee
Li Diose laj yakʼbe ta ilel Jose ti te xchiʼinoje akʼo mi nom oy ta stojolal li yutsʼ yalale.
XCHANOBIL 16
¿Mi xanaʼ buchʼu jaʼ li Jobe?
Li Jobe laj onoʼox chʼunbe smantal Jeova akʼo mu kʼunuk laj yaʼi.
XCHANOBIL 17
Li Moisese jaʼ chichʼ ta mukʼ li Jeovae
Li neneʼ Moisese muʼyuk xlaj ta milel ta skoj li kʼusi la spas smeʼe.
XCHANOBIL 18
Xpulpun skʼakʼal li jpets chʼixe
¿Kʼu yuʼun mu xkʼakʼ li jpets chʼix ti xpulpun skʼakʼale?
XCHANOBIL 19
Baʼyel oxtos vokolil
Li faraone laj yil svokol yuʼun li steklumale, yuʼun muʼyuk la xchʼun mantal akʼo mi muʼyuk tsots li kʼusi albate.
XCHANOBIL 21
Li slajuntosal vokolile
Toj tsots tajek li vokolile, yuʼun laj xa xchʼun mantal li faraon ti jpʼel toʼox xale.
XCHANOBIL 22
Kʼot ta pasel skʼelobil juʼelal ta Tsajal Nab
Li faraone muʼyuk xcham kʼalal echʼ slajuntosal li vokolile pe, ¿mi kol van li ta Tsajal Nabe?