Marangaphanḓa A Tshipiḓa 4
Hetshi tshipiḓa tshi ri vhudza nga ha Yosefa, Yobo, Mushe na Vhaisiraele. Vhoṱhe vho konḓelela u shengedzwa nga Diabolo. Vhaṅwe vhavho vho farwa luvhi, u valelwa dzhele, u iswa vhupulini na u vhulaiwa. Naho zwo ralo, Yehova o vha tsireledza nga nḓila dzo fhamba-fhambanaho. Arali ni mubebi, thusani vhana vhaṋu u vhona nḓila ye vhenevho vhashumeli vha Yehova vha dzula vhe na lutendo ngayo hu sa londwi u shengedzwa havho.
Yehova o shumisa Ṱhamu dza Fumi u sumbedza uri u na maanḓa mahulu a fhiraho a midzimu ya Egipita. Ombedzelani nḓila ye Yehova a tsireledza ngayo vhathu vhawe tshifhingani tsho fhiraho na nḓila ine a zwi ita ngayo ṋamusi.
KHA HETSHI TSHIPIḒA
NGUDO 14
Phuli Ye Ya Thetshelesa Mudzimu
Yosefa o ita zwo lugaho, fhedzi o pfiswa vhuṱungu. Ndi ngani?
NGUDO 15
Yehova Ho Ngo Vhuya A Hangwa Yosefa
Naho Yosefa o vha e kule na muṱa wa hawe, Yehova o vha nae.
NGUDO 17
Mushe O Khetha U Shumela Yehova
Musi a kha ḓi vha lutshetshe, Mushe o ponyokiswa nga maano a mme awe.
NGUDO 19
Ṱhamu Tharu Dza U Thoma
Farao o ḓisela vhathu vhawe khombo nga ṅwambo wa uri o vha a sa ṱoḓi u thetshelesa ngauri o vha a tshi ḓikukumusa.
NGUDO 21
Ṱhamu Ya Vhufumi
Heyi ṱhamu yo vha khulwane lwe na Farao a ḓikukumusaho a fheleledza o kundwa.
NGUDO 22
Vhuṱolo Lwanzheni Lutswuku
Farao o ponyoka ṱhamu dza fumi, fhedzi naa o ponyoka honovhu vhuṱolo ha Mudzimu?
