I ng’ei dwi ario niai ma nyithindho mir Israel gikadhu Nam ma kwar, gigam gitundo i kum got Sinai. I kum got maeno re ma Yehova ugam utimo lembariba ku nyithindho mir Israel kara gibed thek pare ma segi. Egwokogi man emio igi piny ceke ma gitie ku yenyne; etungogi ku mana, egwoko kendi migi uyec ungo, man ebed eketho gigonjo kaka ma ber mandha. Kan itie janyodo, kony nyathin peri unyang’ i thelembe m’uketho Yehova umio Cik ni nyithindho mir Israel, eketho gigiero hema mi cokiri man eketho nia julam ubed unuti i kindgi. Bende, konye enyang’ nia pirang’o pire tie tek ya wabed wawor lembe ma wang’olo, wabed dhanu ma mol, man wabed wagwok bedoleng’ mwa ni Yehova.