Amashiwi ya Kutendekelako mu Cipande 5
Abena Israele bafikile pa Lupili lwa Sinai ilyo papitile imyeshi ibili ukutula apo bayabukiile Bemba wa Kashika. Pa Lupili lwa Sinai epo Yehova apanganine na bena Israele icipangano ca kuti babe abantu bakwe abaibela. Alebacingilila kabili alebapeela fyonse ifyo balekabila, alebapeela mana, umwa kwikala umusuma kabili ifya kufwala tafyalesapuka. Nga muli bafyashi, afweni umwana wenu ukwishiba ico Yehova apeelele abena Israele Amafunde, icikuulwa ca mushilo, na bashimapepo. Komaileni pa fyo cacindamina ukufishapo ifyo twalaya, ukuba abaicefya, no kuba aba cishinka kuli Yehova.
MULI ICI CIPANDE
Ifyo Balaile Yehova
Abena Israele balilaile Lesa ubulayo bwaibela ilyo bali mupepi no Lupili lwa Sinai.
Tabacitile Ifyo Balaile
Ilyo Mose alepoka Amafunde Ikumi, abantu balicitile ulubembu ulukalamba.
Icikuulwa ca Mushilo ica Kupepelamo
Mu cikuulwa caibela e mwali icipao ca cipangano.
Abaume 12 Abaile mu Kumona Icalo
Yoshua na Kalebu balipuseneko ku baume 10 abaile mu kumona icalo ca Kanaani.
Balipondokele Yehova
Kora, Datani, Abiramu, na baume bambi 250 balifililwe ukwiluka icishinka cimo icacindama pali Yehova.
Impunda ya kwa Balaamu Yalanda
Impunda yalimwene uo Balaamu ashamwene.
