Tilanyɔrɔ 5nan dadonkumaw
Israɛldenw ye Kɔgɔji Wulen tigɛ. Kalo fila o kɔ, u sera Sinayi kulu yɔrɔ la. Jehova ye layidu ta n’u ye walisa k’u kɛ a ka siya kɛrɛnkɛrɛnnin ye. A y’u tanga ani a y’u makow bɛɛ wasa: a ye maanɛ di u ma dumuni ye, ani sigiyɔrɔ ɲuman, ani faniw, minw ma tiɲɛ. N’i ye bangebaga ye, i deen dɛmɛ k’a faamu mun na Jehova ye Sariya di Israɛldenw ma, mun na a y’a to u ye fanibugu dilan ani mun na a ye sarakalasebagaw sigi. A dɛmɛ k’a faamu ka ɲɛ mun na a kɔrɔtanin lo an ka kɛ kaan kelen tigi ye, an ka to k’an majigi ani an ka kantigiya kɛ Jehova ye tuma bɛɛ.
YƆRƆ NIN NA
KALANSEN 23
U y’u daa di Jehova ma
Israɛldenw ye layidu kɛrɛnkɛrɛnnin dɔ ta Ala ye tuma min na u tun be Sinayi kulu yɔrɔ la.
KALANSEN 25
Fanibugu: batoli kama
Layidu tagamasiɲɛ kɛsu tun b’o fanibugu kɔnɔ min tun be dan na tɔɔw la.
KALANSEN 26
Kolajɛbaga mɔgɔ 12
Zozuwe ni Kalɛbu ani cɛɛ tan tun tagara Kanaan jamana ka koow lajɛ dogodogo la. Nka Zozuwe ni Kalɛbu tun be dan na olu la.
KALANSEN 27
U murutira Jehova ma
Kore, Datan, Abiramu, ani cɛɛ 250 wɛrɛw ma kooba dɔ faamu Jehova koo la.
