Kabwarabwaraani Mwakoro 5
Uoua te namwakaina imwin te mwananga rinanon Taari ae Uraura, ao a a roko tibun Iteraera n te Maunga ae Tinai. E karaoa ikanne Iehova te berita ma tibun Iteraera bwa a na riki bwa ana aomata aika okoro. E kamanoia ao ni katauraoi bwaai nako ake a kainnanoi, kanaia ae te manna, kunnikaia ae aki mamane, ao aia tabo ni maeka ae a mano raoi iai. Ngkana te karo ngkoe, buoka natim bwa e na ota bwa bukin tera ngkai e anga te Tua Iehova nakoia tibun Iteraera, te umwanrianna ae tabu, ao te nakoa n ibonga. Katuruturua kakawakini kakoroani bukin ara taeka, teimatoara n nanorinano, ao kakaonimakira ni koaua n taai nako nakon Iehova.
N TE MWAKORO AEI
REIREI 23
Te Berita Nakon Iehova
A karaoa te berita ae okoro tibun Iteraera nakon te Atua, ngke a kaembwa i rarikin te Maunga ae Tinai.
REIREI 24
A Urua Aia Berita
Ngke e anai Tuua Ake Tebwina Mote, a a karaoa te bure ae kakaiaki aomata.
REIREI 25
Te Umwanrianna ae Tabu Ibukin te Taromauri
E mena te ati ni berita n te umwanrianna ae okoro aei.
REIREI 26
Taani Karaba n Tutuo Ake Tengauni ma Uoman
A kaokoro Iotua ao Kareba ma mwaane ake tengaun ake raoia ni karaba n tuoa te aba ae Kanaan.
REIREI 27
A Karitei Nakon Iehova
A aki ataa te koaua ibukin Iehova ae kakawaki, Kora, Ratan, Abiram, ao tabeman riki aika 250.