Introduksion sa Seksion 5
Duha ka bulan pagkatapos makatabok ang mga Israelinhon sa Pula nga Dagat, nag-abot sila sa Bukid Sinai. Didto nakigkatipan si Jehova sa Israel para mangin iya espesyal nga katawhan. Ginproteksionan niya sila kag gin-aman ang tanan nila nga kinahanglanon—ang manna para kaunon nila, ang bayo nga wala nagadaan, kag lugar nga maistaran nga hilway sa katalagman. Kon isa ikaw ka ginikanan, buligi ang imo bata nga mahangpan kon ngaa ginhatagan ni Jehova ang mga Israelinhon sing Kasuguan, tabernakulo, kag mga saserdote. Ipadaku sa iya nga importante ang pagtuman sa aton ginahambal, pagpabilin nga mapainubuson, kag ang pagkamainunungon kay Jehova.
SA SINI NGA SEKSION
LEKSION 23
Ang Promisa kay Jehova
Ang mga Israelinhon naghimo sing espesyal nga promisa sa Dios sang nagkampo sila sa Bukid Sinai.
LEKSION 24
Wala Nila Gintuman ang Ila Promisa
Sang ginkuha ni Moises ang Napulo ka Sugo, ang katawhan naghimo sing daku nga sala.
LEKSION 25
Ang Tabernakulo Para sa Pagsimba
Makita sa sining pinasahi nga tolda ang kaban sang katipan.
LEKSION 26
Ang Dose ka Espiya
Si Josue kag si Caleb lain gid sangsa napulo ka espiya nga ginsugo nga manilag sa Canaan.
LEKSION 27
Nagrebelde Sila kay Jehova
Si Kora, si Datan, si Abiram, kag ang 250 ka lalaki wala makarealisar sang importante nga kamatuoran parte kay Jehova.