Omieze 2 kombunda yokukonda Omurongawotuu, Ovaisrael va vaza pOndundu Sinai. Imbo Jehova opa tjitira omerikutiropamwe kuna Ovaisrael kutja ve rire otjiwaṋa tje tjapeke. Eye we ve yama ne ve pe atjihe tjaave hepa, tjimuna ovikurya mbyaavi isanewa omana, ozombanda zawo kaaze kurupa nu we ve pa oruveze oruwa okutura mo. Tji u ri omunene, vatera omuatje woye okuzuva nawa kutja ongwaye Jehova tja yandja Omatwako, ondanda yomaturiro novapristeri kOvaisrael. Raisa ounanḓengu wokuṱakamisa omakwizikiro wetu, okurira overisusuparise, nokurira ovaṱakame ku Jehova.