Ọnwa abụọ ndị Izrel gafechara Oké Osimiri Uhie, ha rutere n’Ugwu Saịnaị. Ha na Jehova nọ ebe ahụ gbaa ndụ, ha aghọọrọ ya mba pụrụ iche. O chebere ha ma nye ha ihe niile ha chọrọ. O nyere ha mana ka ha rie, nyekwa ha ebe ndị dị mma ha mara ụlọikwuu. O mekwara ka uwe ha yi ghara ịka aka. Ọ bụrụ na ị bụ nne ma ọ bụ nna, nyere nwa gị aka ka ọ ghọta ihe mere Jehova ji nye ndị Izrel Iwu, nye ha ndị nchụàjà, ma gwa ha rụọ ụlọikwuu. Mee ka ọ ghọta ihe mere anyị ji kwesị ịna-emezu nkwa anyị kwere, ịna-adị umeala n’obi ma na-erubere Jehova isi mgbe niile.