Nawng hkyeng hka hpe rap ngut nna shata lahkawng na ai hpang, Israela ni gaw Sina bum de du wa ma ai. Dai shara hta, Yehowa gaw Israela ni hpe shi a laksan amyu shatai na matu, shanhte hte ga shaka galaw wa ai. Yehowa gaw shanhte hpe makawp maga ya nna, shanhte ra kadawn ai lam ni re ai, sha na matu ma-na muk, n dingsa chye ai bu hpun palawng hte nga na matu shimlum ai shara ni madi shadaw ya wa ai. Lama na nang gaw kanu kawa rai yang, na kasha ni hpe Yehowa gaw Israela ni hpe tara ni, nawku sum hte hking jawng ni hpe hpa majaw jaw wa ai lam chye na hkra sharin ya u. Ga sadi dung na matu, shagrit shanem na matu hte Yehowa hpe galoi mung sadi dung na matu ahkyak ai lam hpe ahkyak shatai nna tsun dan u.