Ĩtina wa myei ĩlĩ kuma Aisilaeli mainga Ũkanga Mũtune, nĩmavikie Kĩĩmanĩ kya Sinai. Me vau, Yeova nĩwambĩĩisye ũtianĩo na Isilaeli nĩ kana yĩthĩwe mbaĩ yake ya mwanya. Nĩwamasũvĩaa na akamanenga kyonthe kĩla maĩ na vata nakyo. Kwa ngelekanyʼo nĩwamanengie mana, atuma ngũa syoo itatwʼĩka, na amanenga vandũ vaseo va kwĩkala. Ethĩwa wĩ mũsyai tetheesya mwana waku amanye nĩkĩ Yeova wanengie Aisilaeli ĩla Mĩao, ĩeema, na athembi. Kindĩlĩĩla vata wa kwĩanĩsya kyonthe kĩla twathana, kwĩthĩwa na wĩnyivyo, na kwĩthĩwa twĩ aĩkĩĩku kwa Yeova.