Ũhoro wa Kwambĩrĩria wa Gĩcigo gĩa 5
Mĩeri ĩĩrĩ thutha wa Aisiraeli kũringa Iria Itune, nĩ maakinyire Kĩrĩma-inĩ gĩa Sinai. Marĩ hau Jehova nĩ aathondekire kĩrĩkanĩro nao gĩa kũmatua rũrĩrĩ rwa mwanya. Nĩ aamagitagĩra na akamahe kĩrĩa gĩothe maabataraga, ta maana, nguo itaatarũkaga, na kũndũ gwa gũikara kwĩ na ũgitĩri. Angĩkorũo ũrĩ mũciari teithia mwana waku ataũkĩrũo kĩrĩa gĩatũmire Jehova ahe Aisiraeli Watho, ithandũkũ rĩa kĩrĩkanĩro, na athĩnjĩri-Ngai. Tĩtĩrithia bata wa kũhingia mĩĩhĩtwa itũ, gũtũũra tũrĩ enyihia, na gũikaraga tũrĩ ehokeku harĩ Jehova hĩndĩ ciothe.
GĨCHUNJĨ-INĨ GĨKĨ
Kũrĩkanĩra na Jehova
Aisiraeli nĩ meehĩtire mbere ya Jehova rĩrĩa maambĩte hema Kĩrĩma-inĩ gĩa Sinai.
Matiatũũririe Kĩrĩko Kĩao
Rĩrĩa Musa aathiĩte kũgĩra Maathani Ikũmi, Aisiraeli nĩ meekire mehia maritũ.
Hema ya Gũtũnganwo
Ithandũkũ rĩa kĩrĩkanĩro rĩaigagwo thĩinĩ wa hema ĩno.
Andũ Ikũmi na Erĩ Gũtũmwo Magatuĩrie
Joshua na Kalebu marĩ ngũrani na atuĩria acio angĩ ikũmi arĩa mathiĩte gũtuĩria bũrũri wa Kanaani.
Andũ Kũremera Jehova
Kora, Dathani, Abiramu, na andũ angĩ 250 nĩ maagire kũmenya ũndũ wa bata wĩgiĩ Jehova.
Ndigiri ya Balaamu Kwaria
Ndigiri nĩ yonire mũndũ Balaamu atoonaga.