Etwalemo lOshitukulwa 5
Ovaisrael ova li va ya kOmhunda yaSinai konima yeemwedi mbali okudja eshi va tauluka Efuta Litilyana. Jehova oko a li a ninga ehangano nOvaisrael opo va kale oshiwana she likalekelwa. Okwa kala noku va amena noku va pa keshe osho va li va pumbwa, ngaashi omana okulya, oikutu yokudjala oyo ya li inai kulupa po nosho yo onhele ya amenwa. Ngeenge ou li omudali, kwafela okaana koye ka ude ko kutya omolwashike Jehova a li a pa Ovaisrael Omhango, etwali novapristeri. Divilika kutya osha fimana okuwanifa po osho twa udaneka, okukala ovalininipiki nokukala alushe ovadiinini kuJehova.
MOSHITUKULWA ESHI
Ovaisrael tava ningile Jehova eudaneko
Ovaisrael ova li va ningila Kalunga eudaneko le likalekelwa eshi va li va onga onhanda pomhunda yaSinai.
Ovaisrael kava li va wanifa po eudaneko lavo
Ofimbo Moses a li ta pewa Oipango Omulongo, ovanhu ova nyona enyono la kwata moiti.
Etwali lokulongela Kalunga
Motenda oyo ye likalekelwa omwa li etwali lehangano.
Eendadi omulongo nambali
Josua naKaleb ova li va yooloka ko keendadi dikwao omulongo odo da li da ka lava edu laKaanan.
Ovaisrael ova li va tukululila Jehova oshibofa
Korah, Datan, Abiram navakwao 250 ova li va dopa okudidilika oshinima sha fimana shi na sha naJehova.
Ondongi yaBileam tai popi
Ondongi oya li i wete sha osho shihe wetike kuBileam.
