សេចក្ដីផ្តើមផ្នែកទី៥

លេង

ពីរខែក្រោយពីជនជាតិអ៊ីស្រាអែលឆ្លងសមុទ្រក្រហម ពួកគេបានមកដល់ភ្នំស៊ីណាយ។ នៅទីនោះ ព្រះយេហូវ៉ាបានធ្វើកិច្ចព្រមព្រៀងមួយជាមួយនឹងជនជាតិអ៊ីស្រាអែល ដើម្បីឲ្យពួកគេទៅជារាស្ត្រពិសេសរបស់លោក។ លោកបានការពារពួកគេ ហើយផ្ដល់នូវអ្វីទាំងអស់ដែលពួកគេត្រូវការដូចជា ឲ្យម៉ាណាជាអាហារ រក្សាសម្លៀកបំពាក់ពួកគេមិនឲ្យសឹករហែក និងឲ្យពួកគេរស់នៅដោយសុវត្ថិភាព។ បើអ្នកជាឪពុកម្ដាយ សូមជួយកូនឲ្យយល់អំពីមូលហេតុដែលព្រះយេហូវ៉ាឲ្យច្បាប់ដល់ជនជាតិអ៊ីស្រាអែល ឲ្យពួកគេមានត្រសាលជំនុំ និងឲ្យពួកគេមានសង្ឃ។ សូមជួយបញ្ជាក់អំពីសារៈសំខាន់នៃការធ្វើតាមពាក្យសម្ដីរបស់ខ្លួន បន្តមានចិត្តរាបទាប និងមានភក្ដីភាពជានិច្ចចំពោះព្រះយេហូវ៉ា។

គោលសំខាន់ក្នុងមេរៀន

ពេលអ្នកសន្យាចំពោះព្រះយេហូវ៉ា សូមធ្វើតាមពាក្យសន្យានោះ
អំណួត ការគិតតែពីប្រយោជន៍ផ្ទាល់ខ្លួន និងការបះបោរប្រឆាំង នាំទៅរកភាពអន្តរាយ
ព្រះយេហូវ៉ាអត់ធ្មត់នឹងជនជាតិអ៊ីស្រាអែល ហើយមើលថែពួកគេ ទោះជាពួកគេមិនស្មោះត្រង់ចំពោះលោកក៏ដោយ