ဖဲ​ပှၤ​အံၣ်စရ့လး​ဖိ​တဖၣ် ခီဂာ်ဝဲ​ပီၣ်လဲၣ်ဂီၤ ပူၤကွံာ်​ခံ​လါ​ဝံၤ​အလီၢ်​ခံ​န့ၣ် အဝဲသ့ၣ်​လဲၤ​တုၤ​ဝဲ​လၢ ကစၢၢ်​စံၤနါ​လီၤ. ဖဲ​န့ၣ်​န့ၣ် ယဟိဝၤ​ယွၤ​မၤဝဲ​တၢ်​အၢၣ်လီၤ​အီလီၤ ဒီး​ပှၤ​အံၣ်စရ့လး​ဖိ​ဒ်သိး အဝဲသ့ၣ်​က​ကဲထီၣ်​အ​ပှၤ​ဂီၢ်မုၢ်​န့ၣ်​လီၤ. ယဟိဝၤ​ယွၤ​ဒီသဒၢ​အဝဲသ့ၣ် ဒီး​မၤ​လၢပှဲၤ​အဝဲသ့ၣ်​အ​တၢ်လိၣ်ဘၣ် ကိးမံၤဒဲး​လီၤ. အဒိ ကစၢ်​ယွၤ​လုၢ်အီၣ်လုၢ်အီ​အဝဲသ့ၣ်​လၢ ကိၣ်မၤနၤ, ဒီသဒၢ​အဝဲသ့ၣ် လၢ​ကအိၣ်​ဘၣ်​ဘံၣ်ဘံၣ်​ဘၢဘၢ​အဂီၢ် ဒီး​အဝဲသ့ၣ်​အ​တၢ်ကူ​တၢ်ကၤ​န့ၣ် တ​ဟးဂီၤ ဝဲ​ဘၣ်. န​မ့မ့ၢ်​မိၢ်ပၢ်​န့ၣ် မၤစၢၤ​သု​ဖိ​ဒ်သိး​က​နၢ်ပၢၢ်ထီၣ်​ဝဲ​လၢ ဘၣ်​မနုၤ​အဃိ ယဟိဝၤ​ယွၤ ဟ့ၣ်လီၤ​ပှၤ​အံၣ်စရ့လး​ဖိ​လၢ တၢ်သိၣ်​တၢ်သီ, ဒဲစီဆှံ​ဒီး​ပှၤလုၢ်တၢ်​ဒိၣ်​တဖၣ်​လဲၣ်. ဒီး​ဒုး​သ့ၣ်ညါ​န​ဖိ​တဖၣ်​လၢ အဝဲသ့ၣ်​က​ဘၣ်​တီ​ဒီး​အ​တၢ်ကတိၤ, ဘၣ်​အိၣ်ဒီး​တၢ်ဆီၣ်​လီၤသး ဒီး​တီ​ဒီး​ယဟိဝၤ​ယွၤ​ထီဘိ​တက့ၢ်.