Nga wayise emyezi ebiri oluvannyuma lw’Abayisirayiri okuyita mu Nnyanja Emmyufu, baatuuka ku Lusozi Sinaayi. Nga bali okumpi n’olusozi olwo, Yakuwa yakola nabo endagaano okuba eggwanga lye eddonde. Yabakuuma era n’abawa buli kimu kye baali beetaaga, omwali emmaanu ey’okulya, engoye ezitaakaddiwa, n’aw’okusula. Bw’oba oli muzadde, yamba omwana wo okumanya ensonga lwaki Yakuwa yawa Abayisirayiri Amateeka, lwaki yabalagira okukola weema, era lwaki yassaawo bakabona. Muyambe okukiraba nti kikulu nnyo okutuukiriza bye tuba tweyamye, okubeera abeetoowaze, n’okubeera abeesigwa eri Yakuwa.