Ngondo ibidi bena Isalele bamane kusabuka Mbuu Mukunze, bakafika ku Mukuna wa Sinai. Yehowa wakapunga tshipungidi ne bena Isalele muaba eu bua bikale tshisamba tshiende tshia pa buatshi. Wakabakuba ne kubapeshaye bionso bivuabu nabi dijinga, bu mudi: mana bua kudiabu, bilamba bivua kabiyi bisunsuka, ne muaba muimpe wa kusombela. Wewe muikale muledi, ambuluisha muanebe bua umvue bua tshinyi Yehowa uvua mupeshe bena Isalele mikenji, ntenta wa tshitendelelu, ne mudimu wa buakuidi. Utambe kuleja mudibi ne mushinga bua kukumbaja mitshipu yetu, kuikala bena budipuekeshi, ne kuikala ne lulamatu kudi Yehowa misangu yonso.