लाल समुद्र पार केल्याच्या दोन महिन्यांनंतर इस्राएली लोक सीनाय डोंगराजवळ पोचले. तिथे यहोवाने इस्राएली लोकांसोबत एक करार केला. त्याने त्यांना एक खास राष्ट्र म्हणून निवडलं. त्याने नेहमी त्यांना सुरक्षित ठेवलं. त्यांना गरजेच्या सर्व वस्तू पुरवल्या. जसं की, खाण्यासाठी मान्‍ना दिला, तंबू बांधून राहण्यासाठी सुरक्षित जागा दिल्या. शिवाय, त्यांचे कपडेही खराब झाले नाहीत. पण, यहोवाने इस्राएली लोकांना नियमशास्त्र का दिलं? आणि त्याने निवासमंडपाची व याजकांची व्यवस्था का केली? या प्रश्‍नांची उत्तरं आपल्या मुलांना समजावून सांगा. आपण नेहमी दिलेला शब्द पाळण्याची, नम्र राहण्याची आणि यहोवाला विश्‍वासू राहण्याची गरज का आहे, याच्या महत्त्वावर जोर द्या.