Xahrejn wara li qasmu l-​Baħar l-​Aħmar, l-​Iżraelin waslu ħdejn il-​Muntanja Sinaj. Hemmhekk, Ġeħova għamel patt magħhom biex huma jkunu l-​poplu speċjali tiegħu. Hu pproteġiehom u pprovdielhom dak kollu li kellhom bżonn—il-​manna biex jieklu, ħwejjeġ li ma tqattgħux, u post bla periklu fejn jgħixu. Jekk int ġenitur, għin lil bintek jew lil ibnek jifhem għala Ġeħova ta lill-​Iżraelin il-​Liġi, it-​tabernaklu, u x-​xogħol li kellu jagħmel il-​qassis. Uri kemm hu importanti li nwettqu dak li ngħidu, nibqgħu umli, u nkunu dejjem leali lejn Ġeħova.