Tá ni̱ya̱ʼa u̱vi̱ yo̱o̱ ña̱ ni̱ko̱so̱kava na̱ ñuu Israel mar Rojo, ni̱xa̱a̱na yuku̱ Sinaí. Kán chi̱ka̱a̱ Jehová iin trato xíʼinna ña̱ xa̱a̱na koona na̱ ñuura. Xi̱ndaarana ta ta̱xira ndiʼi ña̱ xíniñúʼuna, ta̱xira maná kuxuna, ti̱ko̱to̱ kundixina ta taxira nu̱ú kundoona. Tá íyo se̱ʼún, chindeéna ná kunda̱a̱-inina nda̱chun ta̱xi Jehová ley ndaʼa̱ na̱ ñuu Israel, xíʼin tabernáculo, ta nda̱chun ta̱xira chiñu ndaʼa̱ na̱ su̱tu̱. Ka̱ʼa̱n xíʼinna ña̱ ndáyáʼviní keʼéna ña̱ ni̱ka̱ʼa̱nna xíʼin Jehová ta xíniñúʼu vitá koo inina ta nda̱kú koo inina xíʼin Jehová.