Kema ya panotoya ome metstli kiixkotontoyaj ueyi atl Rojo, israeleuanij asitoj ipan tepetl Sinaí. Nopaya Jehová kichijki se tlajtolsenkaualistli ininuaya uan kitlapejpenik Israel kej ialtepe. Jehová kinmokuitlauik uan kinmakak tlen monekiyaya: kinmakak maná tlen kikuaskiaj, kichijki amo ma tsayani ininyoyo uan kinmokuitlauiyaya kampa mokauayayaj. Tlaj tikinpia mokoneuaj, xikinpaleui ma kikuamachilikaj kenke Jehová kinmakak israeleuanij nopa Tlanauatili, nopa tabernáculo uan kenke kintlalik sacerdotes. Xikiniljui kenke tlauel ipati tijchiuasej nochi tlen tikijtojtokej tijchiuasej, amo timoueyimatisej uan amo tijtlauelkauasej Jehová.