Saavinraaya nyeeri miili Aisarayeli emanle olapuwa Eniya Yooxeerya, awo yaaphiya o Mwaako Sinai. Yehova aapaka nlakano wi ekhale achu awe avameekhaaya. Owo annawaakiha nave annaavaha yoolya yawiichaniwa mana, soowara sahaathaala, nnipuro wookhalavo. Nyuwaano mwaari tiithi, mmukhaviherye mwaninyu wiiwexexa ntakhara heeni Yehova aahaavaha Aisarayeli Nlamulo, tapernaakulu ni anamukucho. Mucicimiherye ochuneya waya okhwaaniherya malakano ahu, okhala awiiyeviha ni okhala oororomeleya wa Yehova.