Isethulo Sengcenye 5
Eenyangeni ezimbili ngemva kokuyama iLwandle lomGaba, ama-Israyeli afika eNtabeni yeSinayi. Kulapho uJehova enza khona isivumelwano nama-Israyeli bona abe sitjhaba sakhe esikhethekileko. Bekawavikela awapha koke ebewakutlhoga—ukudla okuyimana, izembatho, nendawo ephephileko yokuhlala. Nawumbelethi, siza abantwana bakho bazwisise kuhle ukuthi kubayini uJehova anikela ama-Israyeli umThetho, ithaberinakeli, nobuphristi. Kucacise ukuqakatheka kokwenza ngokuvumelana neenthembiso esizenzako, sithobeke, begodu sihlale sithembekile kuJehova.
ENGCENYENI LE
Isithembiso KuJehova
Ama-Israyeli enza isithembiso esiqakathekileko nawaseNtabeni yeSinayi.
Abhalelwa Kufeza Isithembiso Sawo
UMosi nakasayokuthatha imiqebethu yemiThetho eliTjhumi, abantu besele bamorosela uZimu.
Ithaberinakeli Lokulotjha UZimu
Itende lokuhlangana belinomfatji wesivumelwano ngaphakathi.
Iinhloli Ezilitjhumi Nambili
UJotjhuwa noKalebi bebahlukile endleleni ekwenza ngayo iinhloli ezilitjhumi naziyokuhlola inarha yeKanana.
Bahlubuka KuJehova
UKhorarhi, uDatani, u-Abiramu, nabakhambisani babo abama-250 namanye amadoda babhalelwa kubona iphuzu eliqakathekileko ngoJehova.
Udumbana KaBhiliyamu Uyakhuluma
Udumbana wabona into ebeyingabonakali emehlweni kaBhiliyamu.